நீங்கள் வாழ்க்கையில் 'ரிஸ்க்" எடுத்ததுண்டா?

நீங்கள் வாழ்க்கையில் 'ரிஸ்க்" எடுத்ததுண்டா?.

நான் பல நேரங்களில் குருட்டாம் போக்காக எடுப்பதுண்டு. சில சமயங்களில் வெற்றியும் பல சமயங்களில் தோல்வியும் அடைந்ததுண்டு.

ஆனாலும் இந்த வழக்கத்தை விடுவதாக எண்ணம் இல்லை. இதில் என்ன பிரச்சினை என்றால் என்னுடைய 'ரிஸ்க்' ல் மற்றவர்களையும் இணத்து விடுவது தான்.

இதோ சமீபத்தில் நான் எடுத்த 'ரிஸ்க்'

விட்டு விடுங்கள்
நான் நானாகவே இருந்துவிட்டு
போகிறேன்

பொய்யை உண்மையாகவும்
உண்மையை பொய்யாகவும்
பேசாத வரை

உள்ளேயும் வெளியேயும்
வேறு வேறாய்
எண்ணாத வரை

உள்ளே விகாரமாய்
வெளியே இனிமையாய்
நடக்காத வரை

மெய்யான வாழ்க்கையில்
போலியாக நடிக்காத வரை

ஏழையின் பசிக்கு
இரங்கிடும் உள்ளம்
இருக்கும் வரை

மைனாக்கள்
என் வீட்டில் கூடு
கட்ட இசையும் வரை

மழையில் நனையத்
தூண்டும் குழந்தை
உள்ளம் அழியாத வரை

என் கடிகாரம்
சுற்றுவது நிற்கும் வரையாவது

விட்டு விடுங்கள்
நான் நானாகவே இருந்துவிட்டு
போகிறேன்

பி.கு: குழந்தை பிறந்தவுடன் எழுந்து நடந்துவிடுவதில்லை. நான் குழந்தை.